بحریہ رائل رائیڈنگ کلب میں نیزہ بازی کے شاندار مقابلے منعقد
اسلام آباد:راجہ سعد
بحریہ رائل رائیڈنگ کلب میں نیزہ بازی کے شاندار مقابلوں کا انعقاد کیا گیا، جس میں ملک بھر سے آنے والے سواروں نے بھرپور جوش و جذبے کے ساتھ شرکت کی اور اپنی مہارتوں کا بہترین مظاہرہ پیش کیا۔ اس
دلکش اور سنسنی خیز تقریب نے شائقینِ گھڑسواری کو خوب محظوظ کیا اور روایتی کھیل کی خوبصورتی کو اجاگر کیا۔
تقریب کے مہمانِ خصوصی محمد الیاس تھے، جبکہ بحریہ ٹاؤن کے نائب منتظم اعلیٰ ساجد الیاس بھی اس موقع پر موجود تھے۔ معزز مہمانوں کی شرکت نے تقریب کو مزید وقار بخشا اور روایتی کھیلوں کے فروغ کے عزم کو نمایاں کیا۔
مقابلوں میں ساٹھ سے زائد ٹیموں نے حصہ لیا، جنہوں نے اعلیٰ معیار کی گھڑسواری، مہارت اور درستگی کا شاندار مظاہرہ کیا۔ شرکاء کی پیشہ ورانہ صلاحیتوں نے مقابلوں کو نہایت دلچسپ اور سنسنی خیز بنا دیا۔
اختتامی تقریب میں نمایاں کارکردگی دکھانے والی ٹیموں میں انعامات تقسیم کیے گئے، جبکہ تمام شرکاء کی محنت، کھیل کے جذبے اور لگن کو بھرپور سراہا گیا۔
اس کامیاب انعقاد میں بحریہ رائل رائیڈنگ کلب کے منتظم جمشید احمد کی کاوشیں قابلِ تحسین رہیں، جن کی پیشہ ورانہ قیادت اور انتھک محنت نے اس تقریب کو ایک یادگار اور منظم صورت دینے میں اہم کردار ادا کیا۔
یہ کامیاب انعقاد اس عزم کا مظہر ہے کہ بحریہ رائل رائیڈنگ کلب پاکستان میں نیزہ بازی سمیت روایتی گھڑسواری کے کھیلوں کے فروغ کے لیے اپنا کردار بھرپور انداز میں جاری رکھے گا۔
