اسلام آباد ۔۔۔ وفاقی حکومت نے ایران، عراق اور شام جانے والے زائرین کے حوالے سے اہم فیصلہ کرلیا ۔ دوہزار اکیس میں متعارف کرائی گئی پالیسی پر تیزی سے عملدرآمد کا فیصلہ کرلیا گیا۔
وزارت مذہبی امور کے مطابق سالار نظام کو ختم کرکے اسکی جگہ زیارات گروپ آرگنائزرز سسٹم متحرک ہوگا۔ حج و عمرہ کی طرح اب زیارات مقدسہ کیلئے بھی وزارت مذہبی امور میں رجسٹریشن لازم ہے۔ 2021ء میں درخواستیں طلب کی گئی تھیں اب تک 585 دستاویزات و کوائف کمپنیز نے مکمل کئے۔
ترجمان کا کہنا ہے کہ زیارات گروپس کی رجسٹریشن کیلئے وزارت مذہبی امور نے ایک اور موقع فراہم کیا ہے گروپ یا کمپنی کی رجسٹریشن کیلئے کردار اور مالی شفافیت کیساتھ میزبان ملک میں بلیک لسٹ نہ ہونا لازم ہے ۔ زیارات گروپ آپریٹر کے طور پر کام کا تجربہ، دستاویزی ثبوت، آڈیٹر یا مالیاتی بینک کی رپورٹ بھی لازم ہے ۔ نئی کمپنیاں 10 اگست 2025ء سے قبل درخواستیں جمع کرانے کی پابند ہونگی۔نجف و کربلا، مشہد و قم، کاظمین و دمشق کے زائرین کی مشکلات کے پیش نظر اقدام اٹھایا گیا
