پشاور ۔۔ پاکستان میں بھارتی خفیہ ایجنسی کا ایک اور ایجنٹ پکڑا گیا ۔ پاکستانی انٹیلی جنس ایجنسیوں نے ایک بڑی کارروائی کے دوران بھارتی فوج کے میجر دل بہار سنگھ کو گرفتار کر لیا، جو "داؤد شاہ” کے نام سے امام مسجد کے روپ میں مقامی آبادی میں مقیم تھا۔
تفصیلات کے مطابق یہ آپریشن گزشتہ رات پشاور کے مضافاتی علاقے میں کیا گیا۔ مشکوک شخصیت پر کئی ہفتوں سے نظر رکھی جا رہی تھی اور جدید ٹیکنالوجی و مقامی افراد کے تعاون سے اس کی اصل شناخت بے نقاب ہوئی۔ میجر دل بہار سنگھ کو نماز فجر کے وقت گرفتار کیا گیا جبکہ کارروائی کے دوران کسی قسم کی مزاحمت یا گولی باری کی اطلاع موصول نہیں ہوئی۔
ذرائع کے مطابق گرفتار بھارتی افسر مقامی زبان اور مذہبی رسومات میں مہارت رکھتا تھا، جس کے باعث وہ طویل عرصے تک شناخت سے بچا رہا۔ انٹیلی جنس حکام کے مطابق بھارتی فوج کی خفیہ شاخ سے وابستہ تھا اور پاکستان میں دہشت گردی کو فروغ دینے، فرقہ وارانہ ہم آہنگی بگاڑنے اور حساس فوجی و معاشی معلومات اکٹھی کرنے کے مشن پر تعینات تھا
