اسلام آباد
تحریک انصاف کی خاتون رہنما شاندانہ گلزار کو جعلی اور گمراہ کن ٹویٹس گلے پڑ گئے ۔۔۔ نیشنل سائبر کرائم نے خاتون رکن اسمبلی کیخلاف سائبر کرائم ایکٹ کے تحت مقدمہ درج کرلیا ۔۔
شاندانہ گلزار خان کے خلاف مقدمہ نمبر 296/2025 درج کیا گیا۔ ملزمہ پر سوشل میڈیا پلیٹ فارم “ایکس” (سابق ٹوئٹر) پر ریاست مخالف مواد پھیلانے کا الزام ہے ۔ تحقیقات کے مطابق ملزمہ نے متعدد جعلی اور گمراہ کن ٹویٹس اور ویڈیوز شیئر کیں ۔ مواد میں ریاستی اداروں کے خلاف نفرت انگیز اور اشتعال انگیز بیانات شامل تھے۔ ملزمہ کے ٹویٹس سے نسلی اور لسانی نفرت کو ہوا دینے کی کوشش کی گئی۔ شاندانہ گلزار نے وزیراعظم پاکستان سے متعلق جعلی تصویر اور غلط معلومات پھیلائیں ۔ جھوٹی خبر میں اسرائیلی وزیرِاعظم کے ساتھ ملاقات کا الزام لگایا گیا
مقدمے کے متن کے مطابق جھوٹی خبر سے عوام میں خوف، بے چینی اور ریاستی اداروں کے خلاف بداعتمادی پھیلائی گئی۔ تحقیقات میں ثابت ہوا کہ ملزمہ نے دانستہ طور پر فیک نیوز کے ذریعے ریاست مخالف بیانیہ آگے بڑھایا۔ ریاست مخالف مہم کے پیچھے دیگر عناصر اور معاونین کی تلاش کے لیے مزید تحقیقات جاری ہے
