اسلام آباد ۔۔ آزاد کشمیر میں حکومت سازی کیلئے پیپلز پارٹی نے بڑے کھلاڑی کو بھی رام کرلیا ۔ صدر آزاد کشمیر بیرسٹر سلطان محمود سے انچارج سیاسی امور فریال تالپور نے ملاقات کی ہے ۔
پیپلز پارٹی کی مرکزی رہنماء و انچارج سیاسی امور فریال تالپور ایوان صدر کشمیر ہاؤس پہنچ گئیں جہاں انہوں نے صدر آزاد جموں وکشمیر بیرسٹر سلطان محمود چوہدری سے خصوصی ملاقات کی ہے ۔ دونوں نے آزادکشمیر میں حکومت سازی کے معاملات پر تفصیلی تبادلہ خیال کیا اور آزادکشمیر کی موجودہ سیاسی صورتحال پر سیر حاصل گفتگو کی۔
اس موقع پر بیرسٹر سلطان محمود چوہدری اور فریال تالپور کے درمیان باہمی دلچسپی سمیت دیگر امور پر بھی تبادلہ خیال کیا گیا۔ ملاقات میں سابق مشیر چوہدری ریاض، صدارتی مشیر سردار امتیاز خان اور دیگر بھی موجود تھے۔
