بحریہ میں نیزہ بازی کے مقابلے
راولپنڈی، 7 دسمبر 2025۔۔۔۔۔۔۔۔۔راجہ سعد
بحریہ رائل رائیڈنگ کلب میں سنگلز نیزہ بازی کا بھرپور مقابلہ منعقد ہوا، جس میں ملک بھر کے مختلف رائیڈنگ کلبز سے تعلق رکھنے والے 100 سے زائد ماہر گھڑسواروں نے حصہ لیا۔ یہ ایونٹ اپنی پروفیشنل آرگنائزیشن، شاندار انتظامات اور دلکش پرفارمنسز کی وجہ سے شائقینِ گھڑسواری کی توجہ کا مرکز بن گیا۔
تقریب کے مہمانانِ خصوصی میں کموڈور (ر) ایم. الیاس، وائس چیف ایگزیکٹو بحریہ ٹاؤن، اور مسٹر ساجد الیاس، ڈپٹی چیف ایگزیکٹو بحریہ ٹاؤن شامل تھے، جنہوں نے ایونٹ کے
کامیاب انعقاد کو سراہا۔ اس کے علاوہ میجر جنرل ملک امتیاز خان، بریگیڈیئر (ر) طلعت، کرنل مدثر** اور دیگر معزز شخصیات نے بھی شرکت کرکے مقابلے کی اہمیت میں اضافہ کیا۔
مقابلے میں چوہدری عدیل عباس (شاہِ مردان کلب، چکوال) نے شاندار کارکردگی کا مظاہرہ کرتے ہوئے فاتح کا اعزاز اپنے نام کیا۔ ان کی مہارت، رفتار اور بہترین کنٹرول نے حاضرین کو متاثر کیا اور انہیں بھرپور داد ملی۔
ایونٹ میں شریک شائقین نے گھڑسواروں کی دلکش اور مہارت سے بھرپور پرفارمنسز سے لطف اٹھایا، جبکہ اس مقابلے نے گھڑسواری کے فروغ اور مقامی ٹیلنٹ کو سامنے لانے میں اہم کردار ادا کیا۔
بحریہ رائل رائیڈنگ کلب کھیلوں کے فروغ، کمیونٹی انگیجمنٹ اور نوجوان گھڑسواروں کی حوصلہ افزائی کے لیے مسلسل سرگرمِ عمل ہے، اور آئندہ بھی اس نوعیت کے معیاری مقابلے منعقد کرنے کے عزم کا اظہار کرتا ہے۔
