قدرتی آفات سے جی بی میں اب تک 35 افراد جاں بحق ،7 لاپتہ ، ہزار مکان تباہ

گلگت ۔۔۔۔ روشان دیامری

گلگت بلتستان ایڈووکیسی فورم (جی بی اے ایف) سیلاب، لینڈ سلائیڈز اور گلوبل لیک آؤٹ برسٹ فلڈ (GLOF) کے خطرات پر گہری تشویش کا اظہار کرتا ہے۔ سرکاری اعداد و شمار اور ذرائع ابلاغ کی رپورٹوں کے مطابق , 22 اگست  تک 35 افراد کے جاں بحق ہونے کی تصدیق ہوئی ہے، دیامر میں 7 افراد لاپتہ ہیں، اور کل 992 مکانات متاثر ہوئے ہیں (318 مکمل تباہ، 674 جزوی طور پر، اور 37 موسمی رہائشیں)۔

 ضلع وار صورتحال:

دیامر—15 اموات، 7 لاپتہ، 462 گھر متاثر؛

غذر—8 اموات، خالدتی میں کم از کم 3 گھر مکمل تباہ؛

 گلگت—8 اموات،  بگروٹ میں تقریباً 5 گھروں کو نقصان؛ شگر—1 موت، 19 گھر متاثر؛

گانچھے—60+ گھر متاثر (کونڈس میں 50+ تباہ)؛ ہنزہ—حسن آباد اور گوجال میں 50+ گھر خطرے/نقصان میں؛

اسکردو/خرمنگ اور استور—اعداد و شمار کی تصدیق جاری ہے۔ یہ ریکارڈ اصل تعداد سے زیادہ بھی ہو سکتے ہیں اور کم رپورٹ ہونے کا مسئلہ بھی درپیش ہے. فیلڈ رپورٹس کے مطابق، خطرناک علاقوں میں نصب زیادہ تر ابتدائی انتباہی نظام ناکام ہو گئے ہیں۔ ان بحرانوں کے دوران عوام حکومت کے ساتھ ساتھ قومی اور بین الاقوامی سطح کی انسانی ہمدردی پر مبنی اداروں سے مدد کے طلبگار   ہیں

جی بی ڈی ایم اے ایکٹ 2017 کے تحت، جی بی ڈیزاسٹر مینجمنٹ اتھارٹی کی ذمہ داری ہے کہ کم از کم امدادی معیار (محفوظ رہائش، خوراک، صاف پانی، طبی امداد، صفائی) یقینی بنائے، خاص طور پر کمزور گروہوں کے لیے؛ ضلع سطح کی اتھارٹیز اور این جی اوز کی ہم آہنگی کرے؛ محفوظ عمارتیں نامزد کرے اور امدادی ذخیرے برقرار رکھے؛ اور محکموں کو ضروری خدمات کی بحالی، ملبہ صفائی، ہنگامی ابلاغ، اور خطرات میں کمی کے اقدامات کی ہدایت دے۔

چرواہے کو وزیر اعظم ہاوس سے بلاوا آگیا

عملی اقدامات کی ضرورت 

• ماحولیاتی ایمرجنسی کا اعلان کریں اور متحدہ کمانڈ (GBDMA + DDMAs) فعال کریں۔
• زیادہ متاثرہ علاقوں میں موبائل میڈیکل یونٹس اور ضروریات (راشن، صاف پانی، صفائی کٹس) فوری پہنچائیں۔
• تیز، صنفی لحاظ سے حساس ضرورتوں کا جائزہ؛ بلند خطرہ علاقوں سے محفوظ منتقلی اور راستوں کی نگرانی۔
• ریڈیو/اخبارات/الیکٹرانک و مقامی نیٹ ورکس کے ذریعے بار بار عوامی ہدایات اور دو طرفہ فیڈبیک۔
• شفاف رجسٹریشن اور نقد امداد: BISP/دیگر نیٹ ورکس میں اندراج؛ مقامی سی ایس اوز/رضاکاروں کی مدد؛ کٹے ہوئے علاقوں میں ڈور اسٹیپ/موبائل تقسیم۔
• تعلیم کا تسلسل: عارضی لرننگ اسپیسز، بنیادی تعلیمی مواد اور رضاکار اساتذہ۔

صنفی لحاظ سے حساس امداد

• پینے اور آبپاشی کے لیے محفوظ پانی کی فراہمی بحال کریں۔
• عزت و رازداری: علیحدہ اور روشن خیمے، پردے/پارٹیشنز، محفوظ واش، قابلِ رسائی بیت الخلا اور رات کی روشنی۔
• ماہواری و زچگی صحت: ماہواری کا سامان لازمی؛ قبل و بعد از زچگی نگہداشت؛ بروقت ریفرلز؛ موبائل ہیلتھ کیمپس۔
• سائٹ پر صحت و تحفظ: ہر سائٹ پر صحت کا نمائندہ (دایہ/ایل ایچ وی/ایل ایچ ڈبلیو/نرس)؛ ذہنی صحت و نفسیاتی مدد (MHPSS)۔
• شمولیت پہلے: معذور افراد، خواتین سربراہ خاندان اور بیوہ خواتین کی ترجیح؛ قابلِ رسائی تقسیم پوائنٹس (ریمپس/نشستیں/نشانات)، زبان کی مدد، ضرورت پر گھر تک ترسیل۔
• غذا: بچوں اور حاملہ/دودھ پلانے والی خواتین کے لیے غذائیت سے بھرپور خوراک اور کٹس۔
• تحفظ و جواب دہی: نمایاں ہیلپ لائنز/شکایت ڈیسک؛ عملے کی جی بی وی خطرات میں کمی کی تربیت اور خفیہ ریفرل راستے۔

آفات سے پہلے: تیاری اور خطرات میں کمی

• شِسپَر گلیشیئر پر فوری انجینیئرنگ: جمع شدہ پانی کے محفوظ اخراج کا راستہ بنائیں۔
• ابتدائی انتباہ اور نگرانی: گلیشیئر-جھیل مقام پر EWS اور حسن آباد نالہ پر ڈسچارج گیجز لگائیں۔
• محفوظ زوننگ: شِرآباد کے رہائشیوں کی محفوظ علاقوں میں منتقلی؛ حساس علاقوں میں قبضے ختم کریں۔
• ہنگامی منصوبہ بندی: پہلے سے سامان/لاجسٹکس رکھیں؛ انخلا راستے واضح کریں؛ اہم ڈھانچے کی حفاظت؛ کمیونٹی آگہی۔
• ADPs کو موسمیاتی اقدامات کے ساتھ ہم آہنگ کریں اور ضلعی نگرانی مضبوط بنائیں تاکہ امداد کو طویل مدتی موافقت اور مضبوط انفراسٹرکچر سے جوڑا جا سکے۔

آفات کے بعد: بحالی اور مضبوطی

• خطرے والے رہائشیوں اور اثاثوں کے لیے بحالی و تحفظی اقدامات بڑھائیں؛ تعمیر نو محفوظ معیار کے مطابق کریں۔
• سماجی تحفظ اور بنیادی خدمات جاری رکھیں: BISP امداد، صحت خدمات، ذہنی صحت مدد اور تحفظ سروسز۔
• عارضی لرننگ اسپیسز اس وقت تک چلتی رہیں جب تک اسکول محفوظ طور پر بحال نہ ہو جائیں۔

نوٹ: اگر آپ مکمل رپورٹ پڑھنا چاہتے ہیں تو دیے گئے لنک پر کلک کریں۔

جی بی اے ایف کے بارے میں: جی بی اے ایف ایک غیر جانبدار، رضاکارانہ شہری فورم ہے جو گلگت بلتستان میں انسانی حقوق، صنفی مساوات اور جامع حکمرانی کے لیے تعلیم، ڈیجیٹل وکالت، پالیسی اصلاحات اور تکنیکی معاونت کے ذریعے کام کرتا ہے۔