احتجاج کے لیےخطرناک سامان منتقل کرنے والے دو افراد گرفتار
راولپنڈی: چکلالہ پولیس نے اہم کارروائی کرتے ہوئے مذہبی سیاسی جماعت کے مجوزہ پرتشدد احتجاج و ریلی کے لیے خطرناک اشیاء منتقل کرنے والے دو افراد کو گرفتار کرلیا۔
ترجمان پولیس کے مطابق مشکوک گاڑی کی تلاشی کے دوران 54 ڈنڈے، 37 غلیلیں، سینکڑوں قنچے اور نمک کے پیکٹ برآمد ہوئے۔ یہ سامان مبینہ طور پر 10 اکتوبر کو مجوزہ پرتشدد ریلی میں قانون نافذ کرنے والے اداروں کے خلاف استعمال کے لیے کارکنان میں تقسیم کیا جانا تھا۔
پولیس نے ملزمان کے خلاف دہشت گردی اور سازشِ مجرمانہ کی دفعات کے تحت مقدمہ درج کرلیا ہے۔ ترجمان کا کہنا ہے کہ سیاست کی آڑ میں پرتشدد سرگرمیوں کی اجازت نہیں دی جا سکتی،قانون کی خلاف ورزی کرنے والوں سے آہنی ہاتھوں سے نمٹا جائے گا۔
