ماؤں کا عالمی دن اور میری پیاری ماں!

تحریر۔۔۔ محمد اقبال

پیاری ماں تو آنکھوں میں بھی زندہ ہے، دلوں میں بھی زندہ ہے، تو جس شہر میں جا بسی ہے وہاں جنت کی بینی خوشبوئیں بھی آتی ہیں، وہاں یہاں کی سختیوں، دن اور رات کی قید سے عاری زمانہ بھی چلتا ہے۔

میرا یقین ہے ماں تو وہاں سورج کی تپش سے عاری، چھت کے نیلے امبر پر چاند ستاروں کے درمیان جنت کی خوشبوؤں میں رہتی ہے۔

میرا یقین ہے ماں کہ تیری لحد جنت کی خوشبوؤں سے مطہر ہے،

ماں وہاں جنت کی روشن کھڑکی سے طبتم کی صدائیں آتی ہیں،

کیا وہاں اہل جنت میں اپنے شہید بیٹے سے بھی ملتی ہے؟؟،

کیا وہاں بھی تیری روشن پیشانی پہ نور اترتا ہے، کیا وہاں بھی تیرے قدموں تلے جنت ہے، کیا وہاں بھی تیری راہوں میں پھول بکھرتے ہیں،

پیاری ماں میرے تو یہاں ہر پل تیری جدائی میں آنسو گرتے ہیں۔

تجھ سے درخواست ہے ماں! تیرے بنا یہاں دل میں اندھیرے ہیں، جنت کی کسی کھڑکی سے نکل آ ماں، میری باہوں کے ہالے تیرے منتظر ہیں، میرے ہونٹ تیری قدم بوسی کو ترستے ہیں، میرے سینے کے ہر سو تیری یادیں پلتی ہیں، ہولے سے مسکرا کر کہو نا ماں، کیا تجھ کو بھی مری یاد آتی ہے؟۔
ماں یہاں تیرے بن لگتا ہے سارا جہاں بے نماں، رہی عمر بھر سایہ فگن تیری بے لوث مہربانیاں،
نعم البدل تیرا کہیں بھی نہیں ہے ماں
کچھ بھی تو اچھا نہیں لگتا بن تیرے اے ماں
کہ زندگانی کا ہر پہلو تھا تجھ سے باغ و بہاراں اے ماں
تیرا گلاب چہرا، جس میں پوشیدہ تھیں میری خوشیاں
ہر دم چمکتا تھا جو چہرا میرے لیے، اب وہ کہاں ہے میری ماں؟
ساری رونقیں تیرے ہی دم سے تھیں اے ماں
تو جب سے رخصت ہوئی، تو رخصت ہوئی سب خوشیاں بھی ماں
خدا نے بہشت بنا کے رکھ دی تیرے قدموں تلے
تو ہے جنت میری، تیرے پاؤں تلے جنت ہے ماں
خدا جنت کی خوشبوؤں سے مطہر کرے تیری لحد کہ تو ہے وہاں
آئیں گے تیرے پاس اک دن یہ تسلی ہے ماں
یاد کرتا ہوں تجھے ہر دم اور روتا رہتا ہوں
نظام قدرت ہے موت بھی کہ تو ملے گی اب کہاں
تو نے سب کچھ کیا ہے ھمارے لیے اے ماں
ھم کچھ بھی نہ کر پائے تمھارے لیے اے ماں
الفاظ نہیں ملتے کہ بیاں کروں تیری خوبیاں
کوئی بھی یہاں تجھ سا نہیں ہے ماں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔