کٹھمنڈو۔۔ رپورٹ۔۔۔ سیما سیگ
مونٹ ایورسٹ پر سب سے کم وقت میں چڑھنےوالی بہادر خاتون۔۔ناقابل یقین ریکارڈ قائم
نیپال کی خاتون کوہ پیما نے 15 گھنٹے سے بھی کم وقت میں دنیا کی بلند ترین چوٹی مونٹ ایورسٹ سر کرلی۔
نیپال کی فوج کےگورکھا رجمنٹ سے تعلق رکھنے والی پھنجو جھنگمو لاما نے آج صبح 6:23 بجے ماؤنٹ ایورسٹ کی چوٹی پر کھڑے ہوکر ایورسٹ پر تیز ترین خاتون کوہ پیما کا اعزاز اپنے نام کیا، بیس کیمپ کے حکام نے تصدیق کی۔
بیس کیمپ میں ایکسپیڈیشن مانیٹرنگ فیلڈ آفس کے چیف کھیم لال گوتم کے مطابق، پھنجو نے گزشتہ روزسہ پہر 3:52 بجے بیس کیمپ سے چڑھائی شروع کی اور جمعرات کی صبح 6:23 بجے سمٹ پوائنٹ پر پہنچی۔
خاتون کوہ پیما نے 14 گھنٹے اور 31 سیکنڈ میں ایورسٹ کو سر کیا ہے،
گوتم نے مہم چلانے والے کے ساتھ سمٹ کے وقت کی تصدیق کرنے والی تصویربھی بعد شیئر کی۔
دوہزار اٹھارہ میں، پھنجو نے 39 گھنٹے اور 6 منٹ میں ایورسٹ چوٹی تک پہنچنے کے بعد میڈیا میں شاہ سرخیاں بنائیں۔ بعد ازاں 2021 میں ہانگ کانگ کی اڈا سانگ ین ہنگ نے 25 گھنٹے 50 منٹ میں دنیا کی بلند ترین چوٹی سر کرنے کا فنجو کا ریکارڈ توڑ دیا۔
اس سیزن میں پھنجو نے اپنے ٹائٹل کو دوبارہ حاصل کرنے کا فیصلہ کیا، ایورسٹ سمیٹرز ایسوسی ایشن کے جنرل سیکرٹری شیوا بہادر ساپکوٹا نے فنجو کو اس کے شاندار کارنامے پر مبارکباد دیتے ہوئے کہاکہ پھنجو کی ہمت اور عزم غیر معمولی تھا۔
پھنجو، جو پہلی نیپالی خاتون ہیلی کاپٹر لانگ لائن ریسکیو کرنے والی ہیں، حکومت کی طرف سے پہلے ہی ٹینزنگ ہلیری ایوارڈ سے نوازا جا چکا ہے۔
انہوں نے اپنے پیغام میں کہا کہ میں اپنی اس کامیابی کو خواتین کو بااختیار بنانے، پہاڑی ماحول کے تحفظ اور عالمی امن کے لیے وقف کرنا چاہتی ہوں
گورکھا کی وادی تسم کے چھوکانگ پارو گاؤں میں پیدا ہوئے والی پھنجو نے ماؤنٹ ایورسٹ، ماؤنٹ مناسلو، ماؤنٹ چو اویو اور امدابلم، لوبوچے اور دینالی سمیت دیگر چوٹیاں سر کر چکی ہیں ۔
1 thought on “مونٹ ایورسٹ پر سب سے کم وقت میں چڑھنےوالی بہادر خاتون۔۔ناقابل یقین ریکارڈ قائم”