بھارتی گلوکار یو یو ہنی سنگھ نے اسلام سے متعلق تعلیمات حاصل کرنے کا اعتراف کیا ہے۔ انہوں نے حال ہی میں ایک انٹرویو میں اپنی زندگی کے پوشیدہ پہلوؤں سے پردہ اٹھایا ۔
ہنی سنگھ نے بتایا کہ میری کہانی بہت دلچسپ ہے، میں گھر میں طبلہ بجاتا تھا، جب والد نے بھارتی پنجاب کے اسکول میں داخلہ کروایا تو میں اسکول میں بھی طبلہ بجانے لگا، 12 سال کی عمر میں طبلہ اوراپنا دین بھلا کر ملحد بن گیا، میرے روحانی گرو سے مجھے ہندو ازم جبکہ گھر کی تربیت سے سکھ ازم جاننے کو ملا لیکن ملحد بن جانے کے بعد میں نے فیصلہ کیا تھا کہ مذہب پر یقین نہیں کروں گا لیکن اس کی معلومات لیتا رہوں گا‘۔
ہنی سنگھ نے مزید بتایا کہ ’2007 میں موہالی شفٹ ہوگیا اور میرے پاس کوئی کام نہیں تھا، میں صرف ایک میوزک پروڈیوسر تھا لیکن اس وقت مجھے علما اور صوفیانہ شخصیات سے اسلام کو جاننے کا موقع ملا، لوگ مجھے اسلام کے تعارف سے جاننے لگے لیکن درحقیقت میں تب بھی ملحد تھا۔اس وقت میں نے ان علما سےاسلام کے حوالے سے معلومات لی، مجھے حضرت موسیٰ علیہ السلام، حضرت محمد مصطفیٰ ﷺ سے متعلق معلومات حاصل ہوئیں، اس وقت مجھے معلوم ہواکہ حضرت عیسیٰ کا قرآن میں کہاں ذکر ہے،جب ان مذہبی شخصیات کے ساتھ بیٹھتا تھا تو ایک الگ ہی ماحول ہوتا تھا، اس وقت میں عام سا لڑکا تھا جو علما سے سخت سوال کرتا تھا لیکن یہ شخصیات مجھے ہر سوال کا جواب دیتی تھی‘۔
ہنی سنگھ نے مزید بتایا کہ ’2011 میں شہرت ملنے کے بعد میں اوپر والے کا شکر ادا کرنے کے بجائے شیطانی طاقتوں میں الجھ گیا، اس کے بعد میری زندگی اور میرا دماغ دونوں خراب ہوگئے اور 2018میں بیماری کے بعد ملحد کو چھوڑ کر مذہب کو ماننے والا بن گیا۔
