آئی ایف ٹی فائٹ پاس کا شاندار انعقاد .پاکستانی فائٹر بلال حسین نے بیلٹ اپنے نام کرلیا

اسلام آباد ۔۔۔محمد وصی شاہ

پاکستان مکسڈ مارشل آرٹس فیڈریشن کے زیرِ اہتمام آئی ایف ٹی فائٹ پاس 8 کا شاندار انعقاد ایس اے گارڈنز میں کیا گیا، جس میں پاکستان کے ساتھ ساتھ افغانستان کے نامور فائٹرز نے بھی شرکت کی۔ ایونٹ میں 4 پروفیشنل، 2 خواتین اور 9 ایمیچور فائٹس شامل تھیں، جنہوں نے حاضرین کو زبردست اور سنسنی خیز ایکشن فراہم کیا۔

مین ایونٹ میں پاکستانی فائٹر بلال حسین نے شاندار کارکردگی کا مظاہرہ کرتے ہوئے افغانستان کے فائٹر متین کو ناک آؤٹ کر کے بیلٹ اپنے نام کیا۔ ایونٹ کے اختتام پر تمام چیمپئن فائٹرز کو کیش پرائز، میڈلز اور شیلڈز سے نوازا گیا۔ تقریب میں پاکستان مکسڈ مارشل آرٹس فیڈریشن کے صدر بابر راجہ، ڈائریکٹر جنرل سردار حسن صادق اور پی ایم ایم اے ایف کے دیگر آفیشلز نے خصوصی شرکت کی۔

اس موقع پر بابر راجہ نے کہا کہ "آئی ایف ٹی فائٹ پاس” کا مقصد پاکستانی فائٹرز کو ایک محفوظ اور بین الاقوامی معیار کے پلیٹ فارم پر موقع دینا ہے تاکہ وہ عالمی سطح پر اپنی صلاحیتوں کا لوہا منوا سکیں۔

سردار حسن صادق نے کہا کہ پاکستان میں ایم ایم اے تیزی سے مقبول ہو رہا ہے، اور فیڈریشن کی بھرپور کوشش ہے کہ نوجوانوں کو مکمل تربیت، مواقع اور سپورٹ فراہم کی جائے تاکہ وہ عالمی سطح پر ملک کا نام روشن کریں