شوگر مافیا کیخلاف سخت ایکشن ،حکومت نے ملک بھر میں چینی ذخیرہ اپنے کنٹرول میں لے لیا

اسلام آباد ۔۔ خصوصی رپورٹ

ملک میں جاری چینی بحران پر حکومت حرکت میں آگئی ۔ وفاقی حکومت نے شوگر ملز کے خلاف سخت ایکشن لینے کا فیصلہ کرلیا ۔ وفاقی حکومت نے ملک بھر میں موجود چینی کا تمام ذخیرہ اپنے کنٹرول میں لے لیا ۔

وزارت فوڈ حکام کے مطابق  اٹھارہ شوگر ملز کے مالکان کے نام بھی ای سی ایل میں ڈال دیے گئے، چند دنوں میں ای سی ایل میں ڈالے گئے نام بھی جاری کریں گے،  انیس لاکھ میٹرک ٹن چینی شوگر ملز کی بجائے حکومتی کنٹرول میں چلی گئی، 

وزارت فوڈ حکام  کے مطابق فیصلہ چینی کی مصنوعی قلت اور قیمتیں مزید بڑھنے کے خدشے کے پیش نظر کیا گیاتمام شوگر ملز میں چینی سٹاک پر ایف بی آر کے ایجنٹس تعینات کیے گئے شوگر ملوں کے چینی سٹاک پر ٹریک اینڈ ٹریس سسٹم لگادیا گیا،