پاکستان بھارت سے نیوٹرل مقام بات چیت کرنے کیلئے تیار

اسلام آباد: پاکستان نے بھارت سے بات چیت کرنے کا اشارے دے دیا۔نائب وزیراعظم اور وزیرخارجہ اسحاق ڈارنے  سینئر صحافیوں سے گفتگو کرتے ہوئے کہا ہے کہ پاکستان بھارت کے ساتھ مسئلہ کشمیر سمیت جامع مذاکرات کے لیے تیار ہے ۔ پاک بھارت جنگ بندی پر عمل جاری ہے ۔

انہوں نے کہا ہے کہ جنگ بندی کے لیے بھارت نے امریکہ سے درخواست کی تھی جنگ بندی کے لیے مجھے امریکہ سے فون آیا تھا میں نے واضح کیا تھا کہ پاکستان جنگ چاہتا ہی نہیں تھا۔ہم نےکسی سے نہیں کہا تھا کہ ہمیں بھارت کے ساتھ بٹھائیں۔ ہم سے  کسی نیوٹرل مقام پر بٹھانے کی بات کی گئی تھی میں نے کہا تھا کہ اگر نیوٹرل مقام پر میٹنگ ہوگی تو کرلیں گے۔

اسحاق ڈار مزید کہا ہے کہ واضح کیا تھا کہ بھارت کے ساتھ کسی ایک نکاتی ایجنڈے پر بات نہیں ہوگی بھارت کے ساتھ مسئلہ کشمیر سمیت تمام تصفیہ طلب امور پر بات ہوگی ۔ بھارت کی جانب سے بلاوجہ بیان بازی جاری رہتی ہے ۔ امریکہ کے وزیرخارجہ کا دورہ پاکستان ابھی شیڈول نہیں ہے۔

نائب وزیراعظم اور وزیرخارجہ اسحاق ڈار کل بنگلہ دیش کے دورہ پر روانہ ہوں گے۔ بنگلہ دیش کا میرا دورہ دو روزہ ہے ۔دورے کا مقصد پاکستان اور بنگلہ دیش کو مزید  قریب لانا ہے۔