مسلم لیگ ن آزاد کشمیر کے رہنماوں کی پریس کانفرنس
اسلام آباد ۔۔
مسلم لیگ ن نے شاہ غلام قادر کے بیان پر یوٹرن لے لیا۔مسلم لیگ ن نے صدرمسلم لیگ ن آزاد کشمیر شاہ غلام قادر کے بیان کو غیر ضروری قرار دے دیا۔۔۔ذرائع مسلم لیگ ن نے کہا ہے کہ آزاد کشمیر حکومت سے علیحدگی کا فیصلہ قیادت کرے گی ۔ فیصلے شہباز شریف، نواز شریف اور صدر زرداری نے کرنے ہیں،اس وقت حکومت ختم کی جا رہی ہے نہ ہی حکومت سے علیحدگی کا کوئی معاملہ زیر غور ہے۔
اس سے پہلے صدر مسلم لیگ آزاد کشمیر شاہ غلام قادر کا کہنا تھا کہ اگر پیپلز پارٹی تحریک عدم اعتماد لاتی ہے تو یہ ان کا جمہوری حق ہے لیکن مسلم لیگ ن کسی نئی حکومت کا حصہ نہیں بنے گی۔ کسی غیر فطری حکومت سازی کا حصہ نہیں بنیں گے اور مسلم لیگ ن اب اپوزیشن میں بیٹھے گی، جو بھی جماعتی پالیسی سے انحراف کرے گا، پارٹی کارروائی کا سامنا کرے گا۔
انہوں نے کہا کہ نئی حکومت صرف شفاف عام انتخابات سے ہی ممکن ہے، مسلم لیگ ن آزاد کشمیر مہاجرین اور بیرون ملک کشمیریوں کی فلاح کے لیے سرگرم ہے، مسلم لیگ ن آزاد کشمیر ایک منظم اور مقبول جماعت کے طور پر ابھری ہے۔
صدر مسلم لیگ ن آزاد کشمیر کا کہنا تھا کہ ہم آئینی و سیاسی بحران کے حل میں مثبت کردار ادا کرتے رہیں گے، آزاد کشمیر میں مضبوط حکومت صرف عام انتخابات سے قائم ہو سکتی ہے۔ نواز شریف اور شہباز شریف کی قیادت میں بھرپور انتخابی مہم چلائیں گے۔
