جاتے جاتے جنرل ساحر شمشاد کو بڑا اعزاز دیا گیا

ریاض ۔۔

چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے سعودی عرب کا سرکاری دورہ کیا ۔ انہوں نے سعودی مسلح افواج کے چیف آف جنرل اسٹاف جنرل فیاض بن حمید الرویلی سے ملاقات کی ۔آئی ایس پی آر کے مطابق ملاقات کے دوران فریقین نے عالمی اور علاقائی صورتحال پر بات چیت کی گئی ۔ دوطرفہ دفاعی تعاون کو وسعت دینے کے طریقوں پر تبادلہ خیال کیا گیا  ۔ پاکستان اور سعودی عرب کے درمیان مضبوط برادرانہ تعلقات اور پائیدار دفاعی شراکت داری کو مزید سوعت دینے کے عزم کا اعادہ کیا گیا

آئی ایس پی آر کے مطابق جنرل ساحر شمشاد مرزا کو ان کی خدمات کے اعتراف میں "کنگ عبدالعزیز میڈل آف آنر آف دی ایکسیلنٹ کلاس” سے نوازا گیا، سعودی عسکری قیادت نے پاکستان کی مسلح افواج کی پیشہ وارانہ مہارت کو سراہا ۔ سعودی عسکری قیادت نے دہشت گردی کے خلاف جنگ میں ان کی قربانیوں کا اعتراف کیا،