بڑی ترمیم سے پہلے بڑا کھانا،پی ایم ہاوس میں سینیٹرز کی کہکشاں

اسلام آباد ۔۔

وزیرِ اعظم شہباز شریف کی جانب سے حکومتی اور اتحادی جماعتوں کے  سینیٹرز کے اعزاز میں عشائیہ دیا گیا۔۔۔  وزیر اعظم نے ستائیسویں ترمیم کی منظوری کے عمل میں صدر مملکت اور اتحادیوں کے تعاون پر شکریہ ادا کیا ۔۔ کہا تمام اتحادی جماعتوں نے قومی سوچ کا بھرپورساتھ دیا

 وزیر اعظم نے حکومتی اور اتحادی جماعتوں کے سینیٹرز کا خیر مقدم کیا اور 27ویں آئینی ترمیم کی منظوری کے عمل میں ان کے تعاون کا شکریہ ادا کیا۔ عشائیہ میں شہباز شریف نے ارکان سے گفتگو کرتے ہوئے  کہا صدر مملکت کے اور تمام اتحادی جماعتوں کے سربراہوں کے مشکور ہیں ۔تمام اتحادی جماعتوں نے اس قومی سوچ کا بھرپور ساتھ دیا۔ وفاق کی مضبوطی، ملک کے وسیع مفاد،  صوبوں  کے درمیان ہم آہنگی بڑھانے اور گورننس کو بہتر کرنے کے لئے 27ویں آئینی ترمیم کیلئے ہم سب نے مل کر کوشش کی،

https://x.com/MaqsoodMuntzir/status/1987569572661383259

 انہوں نے کہا پاکستان کی سفارتی کامیابیاں اور دنیا میں نام  تمام اتحادی جماعتوں کے مابین  ہم آہنگی اور باہمی اتحاد کی عکاس ہے، ہم سب کی مشترکہ کوششوں کی بدولت پاکستان کو شاندار مقام حاصل ہوا ہے۔ ملکی معاشی صورتحال میں بتدریج بہتری ہو رہی ہے،ملک کی ترقی و خوشحالی کیلئے سب کو مل کر کام کرنا ہے۔۔