مظفرآباد…
وزیر اعظم آزاد کشمیر چوہدری انوار الحق کے خلاف عدالت عظمیٰ میں توہین عدالت کی درخواست دائر کردی گئی ۔ درخواست سماجی کارکن عمامہ گلریز سمیت دو وکلاء راجہ عبدالحمید اور سید علی زین کاظمی نے دائر کی ہے
درخواست گزار نے درخواست میں موقف اختیار کیا کہ وزیراعظم انوار الحق ،ہائی کورٹ آزادجموں کشمیر کے فیصلہ کی خلاف ورزی کے مرتکب ہوئے ہیں۔ سی بی آر نے عدالتی ملازمین کے جوڈیشنل الاؤنس میں ٹیکس کی مد میں کٹوتی کی تھی جس کو سپریم کورٹ نے کالعدم قرار دیا تھا، سپریم کورٹ نے کمشنر ان لینڈ ریوینیو کو کٹوتی کی گئی رقم عدالتی ملازمین کو واپس کرنے کی ہدایت کر رکھی ہے،کمشنر ان لینڈ ریوینیو نے عدالت کے حکم پر عمل نہیں کیا
درخواست میں کہا گیا کہ وزیراعظم آزادکشمیر نے عدالت عالیہ سے توہین عدالت کے کیس میں ملوث کمشنران لیڈ رویونیو نارتھ راجہ اشتیاق احمد کو عدالتی اسٹے آرڈر کے باوجود تبدیل کر دیا۔ وزیراعظم انوار الحق نے عدالتی احکامات کی خلاف ورزی کرتے ہوئے کمشنر ان لینڈ ریوینیو کو تبدیل کر دیا، انکی جگہ نئی تعیناتی بھی نہیں کی،
حکومت عدالتی ملازمین کے الاونسز سے کی گئی ٹیکس کٹوتی واپس نہیں کرنا چاہتی، اس لیے عدالتی حکم کی خلاف ورزی کر رہی ہے،۔ سپریم کورٹ آف آزادکشمیر نے وزیر اعظم انوار الحق سمیت تمام فریقین کو نوٹسز جاری کر دیئے، 21 مئی کو کیس کی سماعت کی جائے گی۔
