جون میں سندھ اور پنجاب کو سخت گرمی کا سامنا ہو گا ۔۔۔۔تھرپارکر،سانگھڑ،بہاولپور میں گرمی جوبن پر ہو گی ،جی بی میں چند مقامات پر بارش متوقع ۔۔۔۔ این ڈی ایم اے کے نیشنل ایمرجنسی آپریشن سینٹر نے جون کے مہینے کے لیے موسم کی پیش گوئی جاری کر دی۔ ترجمان این ڈی ایم اے کے مطابق جون کے مہینے میں سندھ اور پنجاب کے چند علاقے شدید گرمی کی لپیٹ میں ہوں گے، سندھ میں عمر کوٹ، تھرپارکر، ٹنڈوآلہ یار، مٹیاری سانگھڑ جبکہ پنجاب میں رحیم یار خان اور بہاولپور کے اضلاع میں ہیٹ ویو متوقع ہے ۔۔۔۔31 مئی سے 5جون تک ملک کے بالائی علاقوں میں گر د آلود ہوائیں، آندھی جھکڑ اور ہلکی بارش کا بھی امکان ہے۔ خبیرپختونخواہ میں چترال، دیر، بٹگرام، مالاکنڈ، صوابی، مردان، مانسہرہ، ایبٹ آباد میں چند مقامات پر ہلکی بارش اور طوفانی ہوائیں چلیں گی ۔۔۔۔ گلگت بلتستان اور آزاد کشمیر کے چند مقامات پر 31 مئی سے 5جون تک آندھی جھکڑ کے ساتھ ہلکی بارش متوقع ہے ۔۔۔۔۔۔
