نیو یارک ۔۔۔ ورلڈ کپ کے اہم میچ میں بھارتی کے ہاتھوں پاکستان کی عبرتناک 
شکست کے بعد سابق کرکٹر نے پوری ٹیم کو ختم کرنے کامطالبہ کردیا ہے ۔
وسیم اکرم نے ٹی ٹوئنٹی ورلڈ کپ 2024 میں مایوس کن کارکردگی کے بعد پوری پاکستان کرکٹ ٹیم کو برطرف کرنے کا مطالبہ کردیا ہے۔
ورلڈ کپ میں بابر اعظم کی قیادت میں پاکستان کو بھارت کے ہاتھوں چھ رنز سے شکست ہوئی ہے، یہ ایونٹ میں پاکستان کی مسلسل دوسری شکست تھی ۔
وسیم اکرم نے کھیل کی ناقص آگاہی اور غیر ضروری شاٹس کے لیے افتخار احمد اور محمد رضوان جیسے کھلاڑیوں کو تنقید کا نشانہ بنایا۔
انہوں نے بابر اعظم اور شاہین آفریدی کے درمیان اختلافات کو بھی اجاگر کیا۔
اکرم نے اس بات پر زور دیا کہ اب وقت آگیا ہے کہ کوچز کو برقرار رکھا جائے اور ان کی کارکردگی کی کمی کی وجہ سے پوری ٹیم کو تبدیل کیا جائے۔
دوسری طرف سابق کرکٹر راشد لطیف نے کہا ہے کہ عماد وسیم نے جان بوجھ کر میچ ہروایا ریٹائرمنٹ لینے کے بعد دوبارہ عماد وسیم کو ٹیم میں شامل کرنے والے ہی پاکستان ٹیم میں گروپنگ کے اصل زمہ دار ہے ،ٹیم گروپ بندی کا شکار ہے
