وطن عزیز مسائلستان بن چکا ہے ، اب کس کس مسئلے کا رونا روئیں ۔ لیکن مسقتبل میں جو سب سے بڑا خطرہ ارض پاک کو درپیش ہے وہ ہے پانی کا مسئلہ ۔
پاکستان میں پانی کی کمی ایک ایسا سنگین مسئلہ بنتا جارہا ہےجو نہ صرف معیشت بلکہ عوام کی روزمرہ زندگی کو بھی متاثر کررہا ہے۔ پانی کے وسائل کی ناقص انتظامیہ، بڑھتی ہوئی آبادی، اور ماحولیاتی تبدیلیوں کی وجہ سے یہ بحران روز بروز شدت اختیار کررہا ہے۔
پاکستان میں پانی کے بحران کی موجودہ صورتحال،اور اس کے اسباب، اور پانی کہ مسلے کے حل پر بات کریں گے- پاکستان دنیا کے ان ممالک میں شامل ہے جو پانی کی شدید کمی کا شکار ہیں۔
دریاؤں میں پانی کی سطح کم ہو رہی ہے، زیر زمین پانی کے ذخائر تیزی سے ختم ہو رہے ہیں، اور ملک کے مختلف حصوں میں قحط جیسی صورتحال پیدا ہو رہی ہے۔ کراچی، لاہور، اور اسلام آباد جیسے بڑے شہروں میں پانی کی قلت معمول بنتی جا رہی ہے، جبکہ دیہی علاقوں میں صورتحال اور بھی سنگین ہے۔
چوبیس کروڑآبادی والے ملک پاکستان کی آبادی تیزی سے بڑھ رہی ہے جس کی وجہ سے پانی کی ضرورت بھی بڑھ رہی ہے۔ زرعی سیکٹر میں پانی کا ضیاع بہت زیادہ ہے کیونکہ کسان جدید طریقے اپنانے کی بجائے پرانے اور ناقص طریقوں سے فصلیں اگاتے ہیں۔
ماحولیاتی تبدیلیوں کی وجہ سے بارشوں کا نظام بے قاعدہ ہو چکا ہے، جس سے پانی کے قدرتی ذخائر پر دباؤ بڑھ گیا ہے۔ پانی کے وسائل کی غیر مؤثر انتظامیہ اور ناقص حکومتی پالیسیاں بھی بحران کی بڑی وجوہات میں شامل ہیں۔
پانی کے بحران پر قابو پانے کے لئے ہمیں فوری اور طویل المدتی اقدامات کرنے کی ضرورت ہے- نئے ڈیمز اور آبی ذخائر کی تعمیر ضروری ہے تاکہ بارش کے پانی کو ذخیرہ کیا جا سکے اور خشک سالی کے دوران استعمال کیا جا سکے۔
کسانوں کو جدید اور موثر زرعی طریقے سکھانے کی ضرورت ہے تاکہ پانی کے ضیاع میں کمی ہو اور فصلوں کی پیداوار میں اضافہ ہو۔ عوام میں پانی کی بچت کے بارے میں شعور بیدار کرنا ضروری ہے۔وقت پانی کا غیر ضروری استعمال روکنے کے لئےسرکاری اور سماجی سطح پر بھرپورآگاہی مہم چلانے کا تقاضا بھی کررہا ہے ۔ ماحولیاتی تبدیلیوں کا مقابلہ کرنے کے لئے جنگلات کی بحالی اور کاربن کے اخراج کو کم کرنے کے اقدامات کرنے ہوں گے۔
پاکستان میں پانی کا بحران ایک سنگین مسئلہ ہے جس کا حل تلاش کرنا ہماری اولین ترجیح ہونی چاہئے۔ اگر ہم نے آج اقدامات نہ کئے تو مستقبل میں یہ بحران اور بھی شدت اختیار کر لے گا- حکومت، عوام، اور مختلف اداروں کو مل کر اس مسئلے کے حل کے لئے مشترکہ کو شیشیں کرنی ہوں گی۔ پانی ہمارے لئے زندگی کی ضمانت ہے اور پانی سب کی بنیادی ضرورت بھی ہے جس کی حفاظت کرنا ہم سب پاکستانیوں کی ذمہ داری ہے۔
