جنرل ر فیض حمید کیلئے سہولت کاری کے الزام میں فوجی تحویل میں لئے گئے تینوں ریٹائرڈ افسران کے نام سامنے آ گئے۔ ذرائع کے مطابق گرفتار افسران میں دو ریٹائرڈ بریگیڈیئر اور ایک ریٹائرڈ کرنل شامل ہیں ۔ ان افسران میں بریگیڈیئر(ر)غفار، بریگیڈیئر (ر)نعیم اور کرنل (ر)عاصم شامل ہیں، آئی ایس پی آر کے مطابق دونوں ریٹائرڈ بریگیڈیئرز کا تعلق چکوال سے ہے اور یہ جنرل فیض کے خاص اور منظور نظر افسران تھے جو ریٹائرمنٹ کے بعد سیاسی پیغام رسانی اور سہولت کاری میں بھی ملوث تھے۔ ان ریٹائرڈ افسران اور ان کے ساتھیوں نے سیاسی مفادات رکھنے والے افراد کے ساتھ ملی بھگت کرکے عدم استحکام پیدا کرنے کی کوششیں کیں۔
