این ڈی ایم اے نے اگلے 24 سے 48 گھنٹوں کے دوران طوفانی موسلادھار بارشوں کی پیشگوئی کر دی ملک بھر کے تمام بڑے شہروں میں اربن فلڈنگ کا خدشہ۔ نیشنل ایمرجنسی آپریشن سینٹر کے مطابق آج شام/رات 18 سے 19 اگست تک وقفے کے ساتھ مزید موسلادھار مون سون بارشیں متوقع ہیں ۔ اسلام آباد/راولپنڈی، گوجرانوالہ، لاہور، شیخوپورہ، قصور، سیالکوٹ، سرگودھا، فیصل آباد، نوشہرہ اور پشاور کے نشیبی علاقوں میں اربن فلڈنگ کا خطرہ ہے۔ ترجمان کے مطابق ملحقہ دیہات/ قصبے یا نالوں کے قریب بستیاں، سیلابی ریلوں سے متاثر ہو سکتے ہیں۔خطرے سے دو چار علاقوں کے رہائشی پیشگی اقدامات یقینی بنائیں اور مقامی انتظامیہ کی ہدایت پر عمل کریں۔
