پاک بنگلادیش ٹیسٹ کا پہلا روز ۔۔ پاکستان نے پہلے دن کھیل کے اختتام پر 4 وکٹ پر 158 رنز بنالیے۔ سعود شکیل 58 رنز کے ساتھ کریز پر موجود ہیں،
پاکستان اور بنگلادیش کے درمیان ٹیسٹ سیریز کا پہلا میچ راولپنڈی میں شروع ہوا۔ گرین شرٹس کی جانب سے میچ کا آغاز صائم ایوب اور عبداللہ شفیق نے کیا تاہم عبد اللہ شفیق تیسرے اوور میں حسن محمد کی گیند پر کیچ آؤٹ ہوگئے۔ دوسری وکٹ 14 رنز پر اس وقت گری جب کپتان شان مسعود 6 رنز بناکر لٹن داس کو کیچ دے بیٹھے اس کے بعد بابر اعظم بھی صفر پر ہی کیچ آؤٹ ہوگئے۔ 16 رنز کے مجموعی اسکور پر 3 وکٹیں گرنے کے بعد صائم ایوب اور سعود شکیل نے ذمہ درانہ بیٹنگ کی اور 98 رنز کی شراکت داری قائم کی۔ صائم ایوب 56 رنز بناکر آؤٹ ہوئے ۔ پہلے دن کھیل کے اختتام پر پاکستان نے بنگلادیش کے خلاف 4 وکٹ پر 158 رنز بنالیے۔ سعود شکیل 57 اور محمد رضوان 24 رنز کے ساتھ ناٹ آؤٹ ہیں،
