سرفراز احمد وکٹوں کے پیچھے عجیب و غریب جملے لگانے کے لیے کافی مشہور ہیں اور آج بھی انہوں نے بابر اعظم کے بارے میں ایک جملہ کہا جس سے بابر فینز کافی مایوس ہوئے لیکن شاید یہ مزاق تھا اس لیے سیفی بھائی کے اس جملے میں کوئی بری بات نہیں ہے۔
سرفراز نے کہا کہ” یہ لوگ (کرواڈ) بابر بابر کرتے رہیں گے ہم بابر کو 40 اوورز کھیلا کر باقی سب کو آؤٹ کر دیں گے۔ سرفراز کے اس جملے کی کچھ صحافیوں نے غلط طریقے سے تشریح کی اور عوام کو غلط تاثر دیا۔
میرے خیال میں سرفراز کا مطلب یہ تھا کہ بابر اعظم ہم سے آؤٹ نہیں ہوگا اس لیے باقی کھلاڑیوں کو جلدی آؤٹ کر لیں گے یا ہو سکتا ہے سرفراز نے بابر اعظم سے مذاق میں ایسا کہا ہو۔
ویسے بھی سرفراز احمد بلکہ ہر وکٹ کیپر وکٹوں کے پیچھے بلے باز پر پریشر ڈالنے کچھ نہ کچھ بولتا رہتا ہے اور ایک بار سرفراز احمد نے ساؤتھ افریقہ کے بلے باز کو بھی مذاق میں ایسا جملہ کہا تھا لیکن وہ سرفراز کے لیے کافی مسلہ بن گیا تھا اور انہیں جرمانہ بھی ہوا تھا کیونکہ نہ چاہتے ہوئے سرفراز نے نسل پرست جملہ کہہ دیا تھا۔
