معاذصداقت نےبڑےکھلاڑیوں کیلئے خطرےکی گھنٹی بجادی

اسلام آباد ۔۔

پاکستان کے ابھرتے ہوئے کرکٹر معاذ صداقت نے حال ہی میں ایشیا کپ رائزنگ سٹارز میں شاندار کارکردگی دکھاتے ہوئے دنیائے کرکٹ کو حیران کردیا ۔۔ انہوں نے اس ٹورنامنٹ میں اپنی صلاحیتوں کو منوالیا ہے ۔ انہوں نے اپنی کارکردگی سے کئی بڑے کھلاڑیوں کیلئے خطرے کی گھنٹی بجادی ہے ۔ 

ایشیا کپ رائزنگ سٹارز میں پلیئر آف دی ٹورنامنٹ جیتنے والے معاذ صداقت نے ایک انٹرویو میں شاہینز پروگرام  کی تعریف کی ہے ۔انہوں نے کہا ہے کہ ڈومیسٹک میں پرفارم کرنے کے بعد مجھے پاکستان شاہینز کے تین ٹوور کرنے کا موقع ملا۔ پاکستان شاہینز کے ساتھ دورہ انگلینڈ میں بیٹنگ اور کنڈیشنز کے بارے میں کافی سیکھا۔ آسٹریلیا میں ہونے والے ٹاپ اینڈ ٹی ٹوئنٹی میں کوچز نے اوپننگ کا موقع دیا تو سنچری کرنے میں کامیاب ہوا۔

معاذ صداقت نے کہا ہے کہ ایشیا کپ رائزنگ سٹارز سے پہلے خود سے وعدہ کیا تھا کہ میں اپنی ٹیم کو ٹائٹل جتوائوں گا۔ ہانگ کانگ سپر سکسز میں جو پریشر دیکھا اس سے ایشیا کپ رائزنگ سٹار میں مدد ملی۔ بطور ایمرجنگ کرکٹر ڈومیسٹک کرکٹ کے بعد شاہینز سے کرکٹ کھیل کر ہم اپنے سکلز کو مزید نکھار سکتے ہیں۔ شاہینز سے کھیلنے کا تجربہ انٹرنیشنل کرکٹ میں مزید کام آئے گا۔

یاد رہے معاذ صداقت اب تک 24 فرسٹ کلاس، 20 لسٹ اے اور 25 ٹی ٹوئنٹی میچز کھیل چکے ہیں۔ انہوں نے اس سال پشاور زلمی کے لیے پی ایس ایل ڈیبیو پر پلیئر آف دی میچ ایوارڈ بھی حاصل کیا۔ معاذ صداقت سال 2022 میں ویسٹ انڈیز میں ہونے والے انڈر 19 ورلڈ کپ میں بھی پاکستان کی نمائندگی کر چکے ہیں۔