جڑواں شہروں کے درمیان ایک اور سگنل فری کوریڈور بنانےکا فیصلہ

 اسلام آباد ۔۔

جڑواں شہروں کے عوام کیلئے بڑی اور اچھی خبر آرہی ہے ۔۔ راولپنڈی اور اسلام آباد کے درمیان ایک اور سگنل فری کوریڈور بنانے کا فیصلہ کرلیا گیا ہے ۔۔ سگنل فری کوریڈور ڈبل روڈ آئی جے پی نانتھ ایونیو پر انڈر پاس تعمیر ہوگا۔راولپنڈی ڈویلمپنٹ اتھارٹی نے 800 ملین کا پراجیکٹ تیار کرلیا۔

راولپنڈی ڈویلمپنٹ اتھارٹی نے 800 ملین کا پراجیکٹ تیار کرلیا ہے پراجیکٹ منظوری اور فنڈز  پنجاب حکومت دے  گی نیا انڈر پاس ڈبل روڈ آئی جے پی نانتھ ایونیو فیض آباد کے بعد جڑواں شہروں کے درمیان دوسرا رابط روٹ ہوگا جس سے جڑواں شہروں میں ٹریفک کی بلا تعطل روانی برقرار رکھنے کو یقینی بنایا جاسکے گا جبکہ اس وقت ڈبل روڈ آئی جے پی روڈ نانتھ ایونیو کراسنگ اس وقت ٹریفک دباؤ کا شکار ہے اگرچہ مذکورہ سائٹ پر فیض آباد کی جانب فلائی اوور موجود ہے تاہم جڑواں شہروں کے اس داخلی اور خارجی مقام پر انڈر پاس کی تعمیر بڑھتے ٹریفک دباؤ کے باعث ناگزیر ہوچکی ہے  ۔

نئے انڈر پاس کی تعمیر سے جڑواں شہروں میں براستہ ڈبل روڈ  نانتھ ایونیو سگنل فری کوریڈور قائم ہو سکے گا انڈر پاس کی لمبائی 1600 فٹ اونچائی 16 فٹ ہوگی  ڈبل روڈ چوڑائی 36 فٹ انڈر پاس چوڑائی 24 فٹ ہوگی انڈر پاس سے پانی کی نکاسی کے سمپ ہاؤس بھی تعمیر کیا جائے گا پنجاب حکومت سے آر ڈی اے کے مجوزہ پراجیکٹ کی منظوری اور فنڈز کے اجرا پر انڈر پاس کے تعمیراتی کام کا آغاز ہو جائے گا اور ڈی اے اس پراجیکٹ کی ایگزیکیوٹنگ ایجسنی بھی ہوگی۔