بنگلہ دیش میں امن و امان کی بگڑتی صورتحال میں پاکستانی طلبہ بھی پھنس گئے، زیر تعلیم پاکستانی طلبہ سے رابطہ منقطع ہونے پر والدین کی پریشانی بڑھ گئی، بنگلہ دیش میں پھنسے طلبہ کے اہلخانہ نے وزیرِ اعظم سے مدد کی اپیل کر دی، پاکستانی طلبہ سے رابطے اور محفوظ واپسی کے لئے والدین نے وزیراعظم کی ایڈیشنل سیکرٹری کو خط لکھ دیا،لکھے گئے خط میں کہا گیا کہ ہمارے بچے سارک کوٹہ کے تحت بنگلہ دیش کے مختلف میڈیکل کالجوں میں زیر تعلیم ہیں، بنگلہ دیش میں امن و امان کی صورتحال دن بدن خراب ہوتی جارہی ہے، بنگلہ دیشی حکومت نے پورے ملک میں بالخصوص ڈھاکہ اور ملحقہ شہروں میں کرفیو نافذ کر دیا، بنگلہ دیشی حکومت نے تمام مقامی طلباء کو بھی ہاسٹلز سے نکال دیا ہے، غیر ملکیوں کے علاوہ موجودہ حالات کی وجہ سے ہمارے بچے اب اپنے ہاسٹلز کے احاطے میں پابند سلاسل ہیں، والدین نے امن و امان کی صورتحال اور کرفیو کے باعث بچوں کو خوراک کی قلت کا خدشہ ظاہر کر دیا، طلباء کو بھوک سے مرنے سے بچانے کے لیے کھانے پینے کی اشیاء کا بندوبست کیا جائے۔۔۔۔
