اسلام آباد میں 140ارب کا منی لانڈرنگ کیس
ارسلان نواز سدوزئی
:::::::::::::::::::::::
وفاقی دارالحکومت میں کال سینٹرز کے ذریعے اربوں روپے کی ڈیجیٹل ڈکیتی کی وارداتوں کا انکشافات ہوا ہے۔۔۔ جعلی کمپنیوں کے اکاؤنٹس کے ذریعے اربوں روپے منتقل کئے گئے۔۔۔
ایف آئی اے کے بنکنگ سرکل نے مزید جعلی بنک اکاؤنٹس کا سراغ لگا لیا۔ جس کے بعد مختلف بینکوں اور مائیکوفنانس بنکس کے جعلی اکاؤنٹس کی تعداد 192 تک پہنچ گئی۔۔۔ ان اکاؤنٹس کے ذریعے اب تک چار سو ارب روپے منتقل کئے جاچکے ہیں ۔۔جعلی اکاؤنٹس کے ذریعے اربوں روپے کی بٹ کوائن کے ذریعے بیرون ممالک منی لانڈرنگ بھی کی گئی
ذرائع کے مطابق سائبر کرائم میں ملوث افسران کے گرد بھی گھیرا تنگ کرلیا گیا ۔۔ تحقیقات کے دوران ڈیجیٹل گینگ کی سربراہ ندا خان کے موبائل فرانزک سے اہم مواد بھی مل گیا۔ ملزم کے موبائل سے سائبر کرائم کے افسران کی چیٹ بھی ریکارڈ کا حصہ بن گئی۔ بعض افسران کی ٹریول ہسٹری بھی تحقیقات ٹیم نے حاصل کرلی ہے ۔۔
ایف آئی اے اسلام آباد زون کے کمرشل بنکنگ سرکل نے اس کیس میں مقدمہ درج کرکے تحقیقات کا آغاز کیا تھا ایف آئی اے بنکنگ سرکل نے سٹیٹ بنک کی رپورٹ کی بنیاد پرمقدمہ درج کیا تھا
